Gyls-Svein sin jubeldag.
Postet av Velledalen Idrettslag den 16. Mar 2019
Det skal ei viss trott til
for å fullføre 25 Birkebeinerrenn. 54 km frå Rena til Lillehammer med 3,5 kg på
ryggen er den noverande doseringa. I tidlegare tider dreiv arrangørane med
vekselvis start frå Rena og Lillehammer. Laurdag 16.mars 2019 kunne både Svein
Arne Nakken og Olav Brunstad smykke seg med premie for 25 fullførde renn.
I tillegg gjekk Svein inn
til sitt merke nummer 20. Fyrste åra han gjekk var det «hipps om happs» om han
greidde merke. Men etter kvart som røynsla la seg på skuldrane hans til sikrare
vart han. Siste 15 åra har han vore feilfri. VIL-Nett gratulerer Svein (3.27.53)
med dobbelt-jubileum og Olav (4.32.50) med 25 års teneste i Birken.
Kjell Magnar Berli (3.23.49)
var raskast av VIL sine løparar. Han gjekk sitt femte renn og tok sitt fjerde
merke. Det har snøa nokre flukser i Mjøsbyen sidan Kjell Magnar debuterte – nærast
rett frå sjukesenga og utan seeding. Verkeleg kjekt å sjå den utvikla han har
gått gjennom, nær sagt på alle plan.
Velledalen IL hadde med
debutanten Anders Wigdahl frå Osloavdelinga, i same klasse som Kjell Magnar (M
30). Han kryssa mållina på 3.42.08, med god margin til merkekravet. Anders
stiller høge krav til seg sjølv, men skal hugse at mange feilar på merket,
spesielt i debuten. Ikkje ein gong Berth David Wilhelmsen, birkebeiner-nestoren
på Sunnmøre (35 merke på 36 startar), greidde merkekravet på fyrste forsøk. Gratulerer til Anders, og til SIL-trioen
Berth, Jan Egil Årnes og Fridtjof Fredriksen, som alle greidde merkekravet!
Men av alle med VIL-blod i
årane var det Torstein Hole (62) og Oskar Johan Kjellsbøl Hole (17) som
imponerte mest. Torstein som representerer Emblem gjekk på
3.30.43, medan Oskar som går for Gjelleråsen IF noterte 3.30.44. Berre sekundet
skilde altså. Knallbra av begge!!
Skal vi leite etter
kvalitet, må vi utan blygsel rose løparane frå nabokummunen Stranda. Knut
Anders Hatlen (Stranda IL 2.56.36), Olav Erling Aaland (Sunnylven IL 3.04.26)
og Anniken Hjellbakk Hole (Sunnylven IL 3.26.01), leverte varene for naboane.