Stilige karar sprang vinterkarusell i Ålesund

For om lag eit halvt år
sidan «kjøpte» Velledalen IL
 
 Frode
Mauren frå Vegsund Racing. Prisen veit vi lite om, då det var kasserar i VIL,
Henning Tandstad, som ordna saka. Men vi har mistanke om at det i all hovudsak
dreier seg om billeg kaffi og sjokolade, pluss ein god prat på «bakrommet» i
Nærbutikken i Velledalen.

Men Frode har vorte ein
knallsuksess i Velledalen IL. Han set nye personlege rekordar nær sagt heile
tida. Det er ikkje mange vekene sidan han sprang under 40 minutt på 10 km for
fyrste gong. I dag stoppa klokka på 38.57, etter eit sterkt parløp med Alf
Petter Bøe. Ny personleg bestetid over kontrollmålt 10 km med 27 sekund.

Jonny Mauren debuterte i
vinterkarusellen i dag. Distansen var 5 km. I klasse 10-11 år. Og han skryte av
at han slo faren med tre sekund. Tida vart 38.54. Akkurat ein høveleg start. Ei
tid å rette på i komande løp. Å bli klassevinnar i debuten betyr at «vekeløna»
skal doblast denne veka.

Resultat:

5 km, M 10-11 år:

1. Jonny Mauren,
Velledalen IL, 38 54

10 km, M 45-49 år (dei
beste):

1. Gunnar Karl Emblem,
Hakallestranda K-lag, 38.08

2. Are Uran, Havørn, 38.56

3. Frode Mauren, Velledalen IL, 38.57 (ny pers)

3. Alf petter Bøe, Rindal
IL, 38.57 (årsbeste)

5 Joachim Olsvik, ÅOCK,
38.59

Det vert meldt frå
påliteleg hald at dei to stilige karane på fotoet – saman med resten av
familien Mauren - i 2019 har betalt familiekontingent i Velledalen IL.

Det kjem meir stoff frå
Ålesund i løpet av kvelden. Der vi kan melde om sterkt comback av Jo Andre
Tandstad, stadig kvassare Nakken-tvillingar og eit «kvinneslepp» av dimensjonar
frå Sykkylven.