Hinderløp i Follestaddalen 1.september
Postet av Velledalen Idrettslag den 31. Aug 2018
Hinderløpet «Over Stokk og
Stein» vert arrangert i Follestaddalen i Ørsta kommune laurdag 1.september. Det
er to kjende karar i det lokale «sjølvpinar-miljøet», Arve Haugland og Martin
Hauge-Nilsen, som står som arrangørar.
Hinderløpet er fleire
klasser. Mellom andre den som vert kalla «Ungdom/Familie». Her deltek ein lokal
kjenning, Arnas Tribusininas.
Deltakinga vert i fylgje
påmeldinga ganske så stor, truleg eit par hundre deltakarar. I klasse «Mosjon»
finn vi namna May-Liss Fjællingsdal og Veronica Brungot, med Sykkylven bak
namna. I same klasse finn vi Hanne Karlsen Wold, som vert Velledalen IL sin
einaste utøver i hinderløpet, ser det ut til. Hanne har mellom anna kompetanse
i greina orientering, og kunne sikkert også gjort det bra på Fjellsætra under
o-løpet der 2.september.
Tvillingane Sivert og
Andreas Mosby Nakken, stod tidlegare på deltakarlista. Men dei var fjerna då vi
gjorde siste sjekken av listene fredag ettermiddag.
PS. Synd at våre to
hinderløp-ess, Anette Jokstad og Nikolai Handle Jensen, ikkje får vist seg fram
på sunnmørsk jord. Anette er under opptrening etter brotskaden og rekk kanskje
siste løpa i sesongen. Begge hadde nok gjort det skarpt i Follestaddalen om dei
hadde vore der, vel vane med tøffare løyper frå store, internasjonale løp.