NM-gull i høgdehopp til Henrik JF Holmberg
Postet av Velledalen Idrettslag den 5. Feb 2018
Dersom John Holmberg
flagga på full stong denne helga har det si naturlege forklaring. Sonesonen,
Henrik Johan Fjærestad Holmberg, vart
nemleg NM-vinnar i høgdehopp innandørs denne
helga. Det vart han etter å ha svinga seg over 206 cm, som er tangering av den
personlege rekorden han sette i Ulsteinvik sist helg. Med andre ord best når
det gjeld.
Slikt er tvillaust verd ei
flaggheising!
NM-gullet er skildra i
Sunnmørsposten i dag, måndag 5. februar. Avisa omtalar gullet som historisk og
skriv vidare:
Endelig tok Henrik Holmberg et gull i et norsk mesterskap.
-
Jeg har en rekke medaljer opp gjennom årene, men
dette var faktisk min første gullmedalje, sa Henrik Fjærestad Holmberg fra Vik
IL i Sogn.
Han hoppet høyt, både i selve konkurransen han vant, og etter at gullet
var sikret. 28-åringen er halvt sunnmøring, hans far Morten kommer fra
Velledalen. Besteforeldrene bor i bygda; Reidun og John Holmberg.
-
Senest forrige helg var jeg en tur i Velledalen,
fineste plassen jeg vet om, sier Henrik til Sunnmørsposten etter at høydegullet
var sikret.
Dette var så fin nærreklame – og ein så fin prestasjon - at Team Bøe
har bestemt seg for å spandere gratis kaffi med noko attåt på Reidun og John
Holmberg under Team Bøe si komande sosiale samling.
Onsdag 7. februar klokka 11.00, for å vere heilt
presis. Samlinga finn stad i Nærbutikken, sosialavdelinga, og er open for alle.