Elling (76) har starta klatringa
Postet av Velledalen Idrettslag den 6. Des 2017
Arkivfoto
Elling er mellom dei som
løftar seg med stigande alder. 8.plass som 75-åring vart til 7.plass som
76-åring i trimåret 2016/2017. Og han mangla berre tre poeng på sjetteplassen.
Poengmessig sleppte han seg ørlite ned. 1596 poeng i fjor, mot 1580 i
år.
Turmåla er i all hovudsak dei same,
med Myrdalsfjellet og Holemarka som spesialfelt.
Vidare kan vi røpe at
Elling Hole er den eldste inne på topp-10-lista samanlagt dette året med sine
76 år. Odd-Kåre Fet fylgjer hakk i hæl med 75. Vaksne, spreke gutar!!
Elling Hole har fylgjande «tur-rulleblad» for oktober
2016 til oktober 2017:
1 tur
Brunstadsætra
88 turar sætreelva i Holemarka
140 turar Myrdalsfjellet
Samanlagtliste over dei største poengsankarane så
langt:
7. Elling Hole 1580 poeng - 229 turar
8. Odd-Kåre Fet 1547 poeng
– 371 turar
9. Kjell Olsen 1519 poeng - 212 turar
10. Anita Hjorthol 1449
poeng – 288 turar
Like ved: Alf Petter Bøe
1442 poeng – 231 turar
Hadde Elling auka
doseringa til Brunstadsætra til fattige to turar, hadde 6.plassen vore hans.
Men det gjorde han altså ikkje. Namnet på den sjette-plasserte utøvaren får du
neste gong.