Njål i kanonform – denne gong på halvmaraton

arkivfoto
Njål Torillson Tyssing er
i kanonform for tida. Tidlegare denne hausten har han persa på heilmaraton og
10 km. Denne helga reiste han til Lørenskog og sprang halvmaraton – med stor
suksess. Tida 1.18.07 var ny personleg rekord med godt over to minutt, det var
1. plass i klasse 35-39 år, og totalt nummer åtte av alle mannfolka på
distansen.

Nesten synd at sesongen er
over, Njål!!

Les Njål sin rapport frå
løpet og kom gjerne med kommentarar.

Som følge av flott ver på Austlandet på laurdag, så benytta
eg muligheita til å springe Lørenskog Halvmaraton. Referat som følger:
 

Lørenskog Halvmaraton
 

Som følge av flott ver, benytta eg muligheita til å prøve å
settte årsbeste på halvmaraton for 2017. Eg var sterk i trua på at dette kunne
gå, særleg sidan det også var mitt første halvmaraton for 2017. Sekundært mål
var å prøve å forbetre personlig rekord på ca. 1.20.20. Eg var ikkje like sterk
i trua på dette målet, men større under har skjedd før litt lengre sør i
Europa/Asia.
 

Løpet eg hadde sett meg ut i finveret, var Lørenskog
Halvmaraton. Ikkje overraskande ligg dette løpet på Lørenskog. Ein spring ei
kort sløyfe og fire rundar i ei kjapp og oversiktleg løype i nærleiken av AHUS.
Velledalen var som vanleg godt representert. Underteikna var på plass, og den
berømte Brunstadekspressen med kone blei også observert i løypa.
 

Starten gjekk utanfor eit kjøpesenter. Ein svært gammal
mann fyrte laus med ein svær pistol. Truleg av type startpistol. Eg blei
sopass skremt av dette at eg lag meg i rygg på ei gruppe som sprang fort.
Faktisk so fort at eg slapp feltet etter eg var utanfor skothald frå nevnte
eldre herremann.
 

Resten av løpet sprang eg stort sett åleine. Såg litt folk
føre meg, men klarte ikkje å hente dei igjen før siste 2 km. Då innsåg eg til
gjengjeld at målet om sub 80 min på halvmaraton var innanfor rekkevidde med god
margin. Gleden var difor nokså stor då eg klokka inn på 1.18.07 og ingen mann
med startpistol var å sjå i umiddelbar nærleik. Også kjekt med ny personleg
rekord.
 

Plassering blei nr 7 av 153 mannfolk, og faktisk nr 1 i
den svært lite prestisjefylte klassa Menn 35-39. Dette er det første gong eg har
blitt nr 1 i noko sidan eg vann SVISS-cup i 1997 (multitalentet Raymond
Elveland vann dei foregåande åra, men han hadde før vinteren 97 lagt opp
skikarriera, og satsa på fotball og kvinnfolk).