Held Dag Erik heilt inn på Koppen……?
Postet av Velledalen Idrettslag den 12. Sep 2017
Trimpostane er no inne i siste månad denne sesongen. Mange stadar er det avgjort, andre plassar hard kniving. På Koppen trimpost såg det lenge ut til at anten Anita Hjorthol eller Ingrid Brudevoll skulle gå av med sigeren, nær sagt i tråd med normalen. Men siste tida har Dag Erik Myhre kome sterkt. Då vår mann var på Koppen den 10. september, hadde Dag Erik passert dei to kvinnene. Rett nok med særdeles knapp margin. Fjorårsvinnar på posten, Åge Vanebo, var inne på ein relativt trygg 4.plass. Svein Hjorthol var òg inne på topp-5, som sistemann.
Vi minner om at skifte av trimbøker – som markerer ny sesong – vil finne stad i skulane sin haustferie (oktober månad). Dette gjeld alle 14 trimpostane.