Skåla Opp laurdag 19.august
Postet av Velledalen Idrettslag den 15. Aug 2017
La Sportiva Skåla 1848
meter rett opp. Slik heiter motbakkeløpet etter at «sjela» er seld til ein
sponsor. Og her er store pengar i omløp. Då vi sjekka påmeldinga sist veke var
tala:
·
283 i trimklassa
·
1016 i
konkurranseklassa
Her er nokre namn som stiller frå Stranda/Sykkylven:
Knut Anders Hatlen, Stranda IL
Fridtjof Fredriksen, Sykkylven IL
Kari-Anne Tryggestad Ryste, Sunnylven IL
Monica Breivik Orre, Velledalen IL
Bjørn Inge Gjersdal, Sykkylven SK
Henning Tandstad, Straumskameratane
Per Kristian Nordstrand, Sykkylven
Knut Orre, Velledalen IL
Jan Even Sandal, Sykkylven IL
Per Inge Bjørnestad, Velledalen IL
Svein Arne Nakken, Velledalen IL
Elles nemner vi Elise
Stette (VIL Facebook-rekordhaldar) og Bjørn Ole Vassbotn, Volda Turn & IL. Fleire
storkanonar kjem, til løpet som er dominert av utøvarar frå Sogn og Fjordane og
Hordaland.
Skåla Opp går same dag som
Stranda Fjord Trail Race, 19. august. Korleis vert vêret undrar sikkert mange.
Vi har vore i kontakt med klubbmeteorolog Holmberg, mannen som ikkje har bomma
på eit einaste langtidsvarsel på 15 mnd. No prøver han seg på eit «korttidsvarsel»:
- Det vert triveleg
sommartemperatur på 15-18 grader i lågland/mellomhøgde. Sjølvsagt kaldare på
toppane. Overskya, og truleg litt regn, men ikkje så mykje at det vert surt å
springe. Etter mi vurdering faktisk svært gode tilhøve for dei som skal vere
med i Stranda Fjord Trail Race den 19. august. Nokså nær det same på Skåla.
PS: vi nemner at Jan
Rakottyai, VIL sin utøvar frå Slovakia, skal delta på Stranda laurdag. Sist
helg varma han opp med Klauva Opp i mosjonsklassa. Han brukte kring 55 minutt
(ganske nær tida til Sonja Moen Ødegård) på motbakkeløpet, som gjekk under
vanskelege forhold med regn og skodde.