Vi har ikkje gløymt deg, Janne!
Postet av Velledalen Idrettslag den 25. Jun 2017
Janne Tomtum, medlem i
O-gruppa og gryande klubblege i VIL, gjorde ein flott innsats i løypa laurdag.
Ho stiller i ei klasse som heiter «Direkte B», i ei løype på 2740 meter med 55
startande. Av desse kom vår kvinne på ein framifrå fin 26.plass på tida 44.37.
Vi lar leiar Pernille
forklare kven som deltek i «Direkte B».
Ofte er både menn og
kvinner åleine på O-festival med små born. Ungane skal vere med på sine
aktivitetar, og då kan det vere vanskeleg for foreldra med eit bestemt
starttidspunkt som er gitt på førehand. I «Direkte B» kan ein starte når det
passar, når andre har høve til å overta ansvaret for ungane for ei stund. Sidan
Janne er her åleine med to små, er «Direkte B», eit perfekt alternativ for
henne denne gongen.