Oppsving for Høgsætra trimpost
Postet av Velledalen Idrettslag den 14. Mai 2017
Trimposten Høgsætra, Fet,
har siste åra vore lite besøkt. Grunnane til det kan vere fleire, men ein kjem
ikkje frå at det er ein ganske tung tur i bratt lende. Denne sesongen kan det
endeleg sjå ut som posten får eit kjærkome oppsving.
Vanlegvis har det vore
karar som Per Svein Fet, Håkon Fedt eller Geir Olav Drabløs som har vore
trottigast på posten - i alle fall dei
siste åra. Men i 2017 har ein kar lenger framme i dalen, bestemt seg for at «gutane»
lenger nede skal på sveitte på ryggen for sigeren.
Med denne bakgrunn
utfordra VIL-Nett lesarane om å ta turen til Høgsætra trimpost for å sjekke
kven vedkomande person var. Anita Nakken har teke utfordringa, og ho har sendt
foto frå posten med fylgjande skrivne ord:
-
Og ny mann i tet
på posten får vel ikkje fleire turar denne helga, sidan det er ein av VIL sine
løparar i Holmenkollstafetten (Alf Petter Bøe)
Ein skal aldri seie aldri,
seier vi.