Gull glimar ikkje evig!
Postet av Velledalen Idrettslag den 19. Mar 2017
God form kan ikkje kjøpast
på blå resept, brukar friidrettsleiar Alf Petter Bøe seie. For somme
sofaslitarar vil det sikkert gjere godt å lese punkta under, som til fulle
viser at «gull glimar ikkje evig»
·
Arve Tellefsen
gjekk rennet på 5.57.25 i klasse 80-84 år og greidde merkekravet som var godt
over seks timar i denne klassa.
·
Vinnar Martin
Johnsrud Sundby brukte 2.20.52. Beste sunnmøring, Knut Anders Hatlen, brukte
2.47.49, og Nils-Ingar Aadne (eks Brøvøllsfestivalen), toppidrettsutøvar for
eitt år, kom inn på fine 2.54.13. Til samanlikning brukte vår bestemann, Svein
Arne Nakken, 3.22.46.
·
Vi nemner at
Andre Haugsbø, dyktig all round-utøvar som Kjell Magnar Berli leika seg med
under Stranda Fjord Trail Race (og slo), gjekk på flotte 2.40.58.
·
Berit Aunli var
best i verda i langrenn for nokre tiår sidan. No er ho kring 60 år og gjekk på
4.37.46. Og merk; no er den tidlegare ikornnes-tausa, Marit Ellen Josefsen,
mest like god. Ho gjekk på 4.41.14 i same klasse. Verdt å applaudere!
·
Men det mest
graverande fann vi i klasse M 60. Her er løparane i alderen 60-64 år. Frå
Sunnmøre vart Torstein Hole nummer 18, Odd Jarle Døving nr. 26 og Harald
Starheim nummer 27. Alle godt nede på 3.20-talet i tid. Vår eigen Olav Brunstad
gjekk på 4.06.14 i ei klasse der merkekravet var 4.10.45.
Men godt over fem timar finn vi «storfiskane».
Mannen på 321. plass lyder namnet John Northug (far til Petter) på 5.05.22. Og
lenger nede; nr. 338, Tidlegare landslagsløpar Ove Aunli, på 5.16.58. Begge
milevis unna merkekravet.