VIL sin idrettsskule: 200 kroner året
Postet av Velledalen Idrettslag den 28. Sep 2016
Etter ei pause kjem
idrettsskulen til Velledalen IL i gang igjen i oktober. Påmeldinga er sett til
10. oktober, med 20. oktober som opningsdag. Fyrste idrett ut er symjing, med
Kjartan Grebstad som instruktør. Born frå 1. til 7. klasse kan melde seg på.
Julie Brochmann fortel til
VIL-Nett at det etter jul vert ski-aktivitet på fjellet, avløyst av ei tredje
grein fram mot påske.
Og prisen for hausten 2016
og vinteren/våren 2017 har altså Styret i Velledalen IL sett til kroner 200 for
kvar deltakar.