Birkebeinarritt, Panoramaleikar og O-løp
Postet av Velledalen Idrettslag den 26. Aug 2016
Vi opnar med å ynskje
debutant Egil Ulvestad lukke til i Birkebeinerrittet laurdag 27.august. Skal vi
tru startlista er Eldar Høidal og Herr Ulvestad åleine om å representere
Sykkylven SK. Søkjer vi på Stranda får vi opp åtte namn, 17 på Ørsta, 21 på
Ålesund og 35 på Sula SK som er deltakarvinnar på Sunnmøre.
Men det vert rikt høve til
å utøve idrett også meir lokalt, eksempelvis på Ikornnes Idrettspark der
Panorama-leikane 2016 vert arrangert laurdag 27.august. Velledalen IL vert
representert ved Kevin Storvik, Sivert Nakken og Andreas Nakken. Dessutan er
laget vårt med på arrangør-sida, med og vil ha fire, fem personar i sving.
Sundag 28. august vert det
arrangert familie O-løp i Velledalen. Her har O-gruppa i VIL snekra saman eit
opplegg som passar både for unge og eldre. Møt fram i tidsrommet 14.00-16.00.
Påmelding ved frammøte og deltakinga er gratis. Du kan lese meir om O-løpet
annan stad på nettsida.
Så finn vi det rett å
gratulere Sondre Brunstad Fet med fin kamp frå start - og i særklasse eit vakkert mål – i 2-2
oppgjeret mot Sarpsborg 08.
Meir lokalt tek vi med at
foto frå FK Sykkylven sin 1-0 triumf mot Larsnes/Gursken på torsdag. Som vi
ser av fotoet var ein hardtarbeidande
Sondre Skylstad med på laget. Av velledalingar elles nemner vi at målscorar Bengt
Hole Alnes var ute med karantene, og stopparkjempa Bendik vil ha skadeavbrot
nokre veker. Vi noterte elles at Espen Garli – med «aksjar» i Velledalen – var
med å sikra alle poenga med ei praktredning på overtid.