Holmenkollstafett-laget på rett hylle
Postet av Velledalen Idrettslag den 19. Apr 2016
7.mai vert
Holmenkollstafetten arrangert i Oslo. Velledalen IL stiller lag i år som dei
gjorde i 2015 og 2014. I klassa for miksa lag med fleirtal menn. Lagoppstillinga
kjem vi tilbake til ved eit seinare høve – den er ikkje heilt spikra enno, men
nesten.
Det som er sikkert er at
laget etter løpet vert samla til felles middag i Rosenkrantz gate 8. Kvar er
det, lurer du kanskje..? Jau, det er Bondeheimen, som i utgangspunktet burde
vere ein perfekt stad for laget vårt.
Og la det vere sagt, dei
på laget som er i tvende tvil om dei skal velje konfirmasjon eller
Holmenkollstafett kan sjå lyst på livet. Måltidet vil halde høg «konfirmasjonsklasse»,
eller kva seier du til:
Svinenakke med
steikte grønsaker og potet. Sjokolademousse til dessert,
med ein god kaffi til.
På 1980-talet var vi også
innom Bondeheimen. Men då til frukost etter ei natt i bil til Oslo. Og det var
då Bård Erstad åt så mykje at betjeninga etter ei ri fylgde han med augo heile
tida. Kanskje står Bård sin frukost-rekord på Bondeheimen den dag i dag…!?