«Stuntkvinna» har fødselsdag
Postet av Velledalen Idrettslag den 6. Feb 2016
Christina Linnea Holmberg
vert rekna som den fremste «stuntkvinna» i Velledalen. Vi snakkar då om
sportslege stunt. Som å ta alle 14 trimpostane i ein og same tur, som å delta i
ekstremløpet Hornindal Rundt, sykle Noreg på langs, eller som ved nyttårstider
i år; gå Finnmarksvidda på tvers saman med Emma. For å nemne nokre av dei.
Og som legestudent i
Slovakia arrangerte ho Slovakia-Konrad med to deltakarar i vakker soloppgang
1.mai 2015.
Kort og godt ei blid taus
som fortener stor, god kake på bursdagen sin og mange friske gratulasjonar.
Velledalen IL helsar til friske Christina på 23 års dagen!