Kraftprøva i Geiranger går 6.juni
Postet av Velledalen Idrettslag den 1. Jun 2015
Den store styrkeprøva i
Geiranger – Nibberittet, Nibbeløpet og Nibberennet (rulleski) –vert i år
arrangert litt tidlegare enn normalt. Datoen er laurdag 6.juni.
Frå Velledalen IL er fylgjande personar påmelde:
·
Olaf Einar Øien
deltek i Nibbeløpet (21 km) for 22. gong av 22 mulege. 72-åringen startar i
klasse 70-74 år.
·
Svein Arne Nakken
spring også Nibbeløpet, for siste gong i klasse 45-49 år.
·
Sivert Mosby
Nakken spring Nibbeløpet Mini. Start ved fjorden og målgang ved Flydalsjuvet, i
overkant av fire kilometer.
·
Andreas Mosby
Nakken spring same distanse som broren Sivert.
Då VIL-Nett sjekka
påmeldingslistene måndag 1.juni hadde Nibberittet 268 påmelde, Nibbeløpet 189
påmelde. 32 var påmelde i dobbelen – både ritt og løp. Rulleskirenna og
Nibbemarsjen (5 og 21 km) hadde relativt få påmelde, men talet vil truleg stige
siste dagane. Totalt reknar arrangøren (Eidsdal IL og Geiranger IL) med kring
800 deltakarar på turmarsj, rulleski, sykling og springing.
Nettsida til Velledalen IL
vil fylgje opp alle våre aktive etter beste evne i denne kraftprøva.