Allsidig idrettsmann fyller 90 år

Oddmund voks opp i ei tid
der arbeid var viktigare enn sportsleg tidtrøyte. Som 16-åring fekk han krigen «i
fanget», og dermed rauk fem av dei beste åra for ein som var glad i idrett. For
det var Oddmund, som faktisk var ein av dei mest allsidige i laget.

Stafettløpar.
 
 
–Han Oddmund var ein solid stafettløpar, særleg på korte og mellomlange
etappar, sa Ole L. Hole (Knut-Ole) til meg ein gong. Og det trur vi så gjerne,
då Oddmund finst på dei fleste foto som finst av stafettlag frå1940-åra i VIL
sitt arkiv.

Langrenn.
 
 
Som skiløpar kunne han vise til gode resultat. Han var med på Velledalen IL
sitt stafettlag som tok sølv i KM i 1950 (to år seinare greidde dei gullet).
Elles deltok han både i krinsrenn og bygdarenn.

Fotball.
 
  Og
han spela fotball, i fotballgruppa til Velledalen IL. Før samanslåinga i 1952
hadde IL Ringen og Velledalen IL begge fotballag, som mellom anna duellerte mot
kvarandre. Her gjorde Oddmund mange kampar for velledalingane. Det må óg
nemnast at han var ivrig tilskodar på VRF sine heimekampar heilt til laget
bukka under hausten 2002.

Hesteskokasting
 
 .
Oddmund budde i det som lenge var hesteskokastinga sitt Mekka. Difor var det
ikkje og undrast over at han heiv seg med då hesteskokasting vart
konkurranseidrett på slutten av 1970-talet.

10. juni 1979 vann Oddmund, saman med sonen
Ove, det fyrste bygdameisterskapet i parkasting, arrangert av Velledalen IL på
Dalemyra grasbane. Og det var ingen «walk in the park», med 64 deltakarar
avvikla etter reint cupsystem. Finalemotstandarar var ingen ringare enn Robert
Kvam og Per Kjartan Lade, begge suksessfulle handballspelarar på den tida.

Eldste deltakar
 
 .
Oddmund har i alle år vore sprek for alderen. Han kvidde seg ikkje for
deltaking eksempelvis i Fetvatnet Rundt, Ramstaddalsløpet og Konradløpet lenge
etter passerte 80 år. Ein periode var det heilt vanleg at det i referat i
etterkant av arrangement stod: «eldste deltakar var Oddmund Skylstad». Og han
noterte i fleire år namnet flest gonger på trimposten ved sætreelva i
Holemarka.

Under Sykkylven Rundt i august 2013 var
ikkje Oddmund eldste deltakar, men truleg eldste tilskodar. Då løparane
passerte Hole var Oddmund ute på tunet og fylgde interessert med.

Historiske bidrag
 
 . Då Velledalen IL i 2005 og 2006 gjorde ein innsats for å samle inn
flest mogleg «Idrettsminne», var Oddmund ein av dei største bidragsytarane. Han
gjorde seg mange turar med til sin jamgamle granne, Ole L. Hole. Saman friska
dei opp at mykje av det dei hadde opplevd i barne- og ungdomstida. Oddmund var
ved best helse av dei to, og det vart han som måtte sette tankane ned på
papiret. Det vart to flotte skildringar, kalla «Sommarminne» og «Vinterminne».
Sidan det snart er vinter, høver det godt og friske opp att «Vinterminna», til
ære for jubilanten.

Hjarteleg til lukke med
dagen, Oddmund!

Beste helsing unge og
eldre idrettsvener i Velledalen IL

Atle Hole

Idrettsminne kan du lese her