Blir du med til Holmenkollstafetten..?
Postet av Velledalen Idrettslag den 21. Okt 2013
I samband med
Ramstaddalsløpet vart det snakka varmt om at Velledalen IL burde ta eit
comeback i Holmenkollstafetten i 2014. Ikkje fyrst og fremst for å dyrke
sportslege prestasjonar, men mest for å makte eit felles løft, som det er i det
heile å stille lag og fullføre med stil. Som sikkert fleire veit deltok laget
nokså hyppig tidleg på 1980-talet. Både med herre- og damelag.
Det kan det også bli i
2014 om interessa er stor nok. Dessutan er det no mogleg å stille miksa lag, ei
blanding av menn og kvinner på same lag. Vi greier det om vi vil!
Dessutan har vi alt
løparar på Austlandet som vi håper stiller om deltaking vert aktuelt. Elles er det
lett og flytte folk i desse tider. Gi gjerne lyd frå deg på facebooksida til Velledalen
IL om du tek ein etappe (15 etappar – det var i alle fall det i gamle dagar),
eller meld interessa di til Alf Petter Bøe i friidrettsgruppa , tlf 901 62 279
E-post: alf.boe@mimer.no