Påmelde sykkylvingar i Nibbeløpet
Postet av Velledalen Idrettslag den 10. Mai 2013
Olaf Øien i frå fjordårets løp.
Olaf Øien og Nancy Eggen er begge påmelde til kraftprøva i Geiranger 15. juni. For Olaf vert løpet spesielt. Han er nemleg ein av svært få som har delteke i samtlege løp – 20 i talet. Olaf skal for fyrste gong springe i 70-74 år, i skrivande stund med to deltakarar i klassa.
Nancy har gjort mange sterke løp i Geiranger. Klassa hennar er 45-49 år, og det er ingen sensasjon om ho er inne på topp-3 i klassa.
Det kan fort gjort bli fleire frå VIL i Geiranger. Vi veit at Kjell Magnar Berli tel på knappane. Han har Birkebeinerløpet helga før som fyrsteprioritet, men oppløftande treningsresultat opp fjellet (Strandafjellet) siste tida gjer at han også vurderer deltaking i Geiranger. Og kanskje….vi presiserer kanskje, vert Karstein Jensen med – i så fall ein særs spanande debut av mannen som senka persen i Konradløpet med langt over tre minutt frå i fjor.
I skrivande stund har Nibbeløpet desse deltakarane frå Sykkylven:
K 23-39 år: Cecilie Schmidt Overøye, Mulitconsult BIL
K 45-49 år: Nancy Eggen, Velledalen IL
M 40-44 år: Glenn Harald Tafjord, Sykkylven IL
M 40-44 år: Per Inge Bjørnestad, Sykkylven SK
M 40-44 år: Knut Orre, Sykkylven Kommune
M 40-44 år: Eldar Kurseth, Sykkylven SK/Velledalen IL
M 70-74 år: Olaf Øien, Velledalen IL
Vi kjem tilbake med ei liknande oppdatering frå Nibberittet om ikkje lenge. Både Per Inge Bjørnestad og Eldar Kurseth er påmelde i Nibbedobbelen, to turar til toppen av Dalsnibba etter kvarandre. Fyrst sykling, så springing – berre for dei aller tøffaste av dei tøffe!!