Konradløpet: Herlege Harald inn på lista
Postet av Velledalen Idrettslag den 24. Apr 2013
Harald Relling har start nr. 136
Vi snakkar om Harald Relling. Fødd i 1927. Mannen, som kjem frå Sula kommune, er den hittil eldste påmelde. Berre to personar som vi kjenner til har gjort noko liknande i same alder. Også Oddmund Skylstad deltok i sitt 86. leveår – og sjølvsagt Tomas Tandstad, unik på fleire felt, han gjekk i sitt 91. år.
Tider er som mange gonger før sagt, ikkje så viktig i Konradløpet. Men Harald Relling er den einaste over 80 år som har sett 20-talet. Han gjorde fantastiske 28.35 i 2010 – i sitt 83. leveår. Supersprekt, rett og slett!
I 2013 deltek Harald for sjette gong i Konradløpet. Det betyr Konradmedaljen i gull. Den seansen vert «løfta» opp på scena i samband med premieutdelinga. Då er det lov og applaudere i ståande stilling.