Sondre Brunstad Fet til AaFK
Postet av Velledalen Idrettslag den 6. Apr 2013
VIL-Nett snakka med faren, Steinar Fet, i mars. Då kunne han fortelje at det stod temmeleg likt mellom Hødd og AaFK med tanke på overgang.
-
Kanskje størst utviklingsutsikter i Hødd, men lettare kommunikasjonsmessig i Ålesund, sa Steinar den gongen.
No fall altså valet på AaFK. Ein klubb VRF-spelarane Robert Sogge og Ole André Fet har vore innom før den nådde tippeligaen. Begge opphalda vart relativt kortvarige.
Anten valet hadde falle på Hødd eller AaFK, er det grunn til å tru det hadde vorte mest juniorfotball på Sondre denne sesongen, truleg supplert med kampar for toar-laga. Der finn ein både Hødd 2 og AaFK 2 på same nivå, i 3. divisjon (AaFK 2 rykte ned i fjor haust).
Det betyr at dei to lagkameratane frå 2012, Bengt Hole Alnes og Sondre Brunstad Fet, kan stå på kvar sin banehalvdel når Stranda og AaFK 2 møtest til dyst om poenga på Stranda stadion denne sesongen. Akkurat det vil i så fall drage nokre tilskodarar ekstra frå sykkylvssida av fjellet.