Konradløpet: Sterkt søskenpar påmeldt
Postet av Velledalen Idrettslag den 2. Apr 2013
Reknar vi søskenpar med samansetninga gut/jente har rekordhaldarane meldt seg på. Dei kjem nemleg frå Stranda, og vi snakkar om Elisabeth og Sondre Overvoll Hole. Elisabeth sprang på 18.54 i 2011, ei tid berre Hilde Riksheim Tandstad har stiva. Sondre sprang i fjor, som 13-åring, på ramsterke 16.41. Det er 39. beste herretida totalt. Samla tid for Elisabeth og Sondre vert 35.35
Av andre sterke søskenpar i kombinasjonen gut/jente nemner vi Ann Kristin og Lars Anders Hoel, skiløparsøsken frå Valldal. Men dei som ligg nærast Elisabeth og Sondre på statistikken er Ragnfrid og Torfinn Aamodt. Ragnfrid har kryssa mållina på 19.30, broren nøyaktig tre minutt raskare, altså på 16.30. Samla tid for Aamodt-søskena vert dermed 36.00 på ein god andreplass. Hoel-søskena frå Valldal på tredjeplass har 36.07.
Dei tre beste i søsken-kombinasjon gut/jente:
35.35: Elisabeth og Sondre Overvoll Hole, Stranda
36.00: Ragnfrid og Torfinn Aamodt, Sykkylven
36.07: Ann Kristin og Lars Anders Hoel, Valldal
Faktisk trur vi rekordtida i denne «greina» kjem til å ryke under løpet 1.mai 2013.