Mannfolka går ikkje til Brunstadsætra
Postet av Velledalen Idrettslag den 8. Nov 2012
Brunstadsætra er eit relativt makeleg turmål. Fire poeng er turen prisa til etter trimgruppa sin skala. Denne sætra ligg alltid høgt på lista mellom gruppa sine beste turmål, og sætra er òg arena for trimgruppa sin årvisse grillkveld i juli månad.
Den som vil vinne denne posten kan ikkje kvile seg til det. Siste åra har Inger Anne Brunstad hatt bra kontroll. Slik også dette året, der ho stoppa på 186 turar – om lag anna kvar dag i snitt, rekna året rundt.
Brunstadsætra er einaste posten utan mannfolk inne på topp-5. Årsaka til at det er slik kjenner vi ikkje. 60 turar var grensa for å greie topp-5 denne gongen.
Her er resultata frå Brunstadsætra sesongen 2011/2012:
186 turar: Inger Anne Brunstad
132 turar: Arnhild Linga
102 turar: Torhild Skogvold
74 turar; Marianne Urke
60 turar: Liv Skogvold
Postrangering trimsesongen 2011/2012:
2. Brunstadsætra – 2274 noteringar
3. Dammen Riksheimdalen – 1744 noteringar
4. Skogsvegen Fet – 1487
5. Sætreelva Holemarka – 1387
6. Vellesætra – 1113
7. Skogsvegen Hjorthol – 705
8. Myrdalsfjellet – 355
9. Koppen – 323
10. Regndalen – 290
11. Høgsætra Fet – 122
12. Holetindane – 100
Ikkje bok denne sesongen: Skogsvegen Drabløs