Brunstadbakken 15.april: 50 år sidan Arne Larsen
Postet av Velledalen Idrettslag den 6. Mar 2012
Ja, for det var det han gjorde, skal vi tru pressa, og det må markerast. Sunnmørsposten skreiv mellom anna dette om hendinga:
-
Dessverre for Velledalen så møtte ikkje Hans Olav Sørensen, Torgeir Brandtzæg og Arnfinn Malm til hopprennet i Brunstadbakken i går, men verdensmesteren Arne Larsen møtte – og tok publikum med storm! Hans hopping var så – etter våre forhold – imponerende at vi helt glemte at 14 påmeldte ikke møtte til start, såleis at deltakertallet ble bare knapt 30.
-
Dommerne (Even Kleive, Edvard Hole og Reidar Tronstad) ble nok like imponert som oss: 3X19 i stil for Larsens hopp! Hvor vidt bakeren hoppet til 3X19 kan bare dommerne dømme, men hans hopp var så fylt av imponerende strekk og eleganse som fikk både oss og publikum til å juble.
-
At nordvesthopperne ligger en del tilbake, beviser dette: Olav Søvik, kretsens beste hopper, noterte seg for 53,5 meter i sitt lengste hopp med toppfart. Arne Larsen hoppet 56 og to ganger 56,5 m (ny bakkerekord), med ti meter kortere fart enn samtlige andre hoppere!
-
Arne Larsen høstet ikkje bare popularitet blant de nære på 1000 tilskuerne, men også verdifulle premier
-
Jeg får komme tilbake hit oftere, så eg får møblert opp en leilighet til eg gifter meg, sa Larsen etter han mottok en 4-mann sofa, fritt val av mønster og stoff! - Får hopperne på Østlandet og Trøndelag høre om disse fantastiske premiene, så blir det nok reine invasjonen til neste år!
Men det vart ikkje noko renn av dimensjonar i Brunstadbakken «neste år». Det vart eitt i 1965, og det vart det siste. Bakkerekorden vart då flytta til 60,5 meter (Hans Olav Sørensen). Nokre år etter kom skitrekk i Ladalen og la hoppsporten på sotteseng. Ståle Petter Ødegård var den som stritta lengst i mot, til slutt tapte også han!
For å markere at det i år er 50 år sidan Arne Larsen, inviterte vi ein av dagens kombinertheltar til Velledalen i samband med Konradløpet. Valet fall på Mikko Kokslien, som denne sesongen har vunne to verdscuprenn i greina. Akkurat Mikko var eit enkelt val, sidan han har vore i Velledalen før (for eit par år sidan). Saman med ein kamerat budde han på Vellesæterhytta og gjekk i fjella. Fint vêr hadde dei óg. Turen er godt dokumentert på youtube.com
Mikko har alt gitt svar om at det diverre ikkje passa i år, men han har ein munnleg avtale om å kome neste år. Einaste vi i Velledalen kan gjere er å heie på han i Holmenkollen til helga, sjå filmen hans med base frå Vellesætra og håpe at Linda Eide vert ein fullgod erstattar. I sin eldraude Diadora-dress skal ein heller ikkje sjå vekk frå at ho kunne rulla ned unnarennet i Brunstadbakken – med stil. Men fyrst må skogen hoggast, og då hadde vel underlaget blitt som ei grov spikarmatte. Så ilt vil vi ikkje Linda, ho har rulla mykje på TV siste året!
Men i alle fall; Lenge leve minna om Brunstadbakken, Arne Larsen og kombinertsporten – ein flott idrett !!
http://www.youtube.com/watch?v=rhOIdBxhUPg