Ekornes ASA tungt inn i Konradjubileum
Postet av Velledalen Idrettslag den 6. Feb 2011
1.mai 2011 vert det 10. Konradløpet arrangert, eit jubileum det er naturleg å gjere litt ekstar ut av.
Arbeidet med årets arrangement har så smått starta. Mellom anna skal ei rekkje personar ha premie for ti års deltaking. Konsulent Morten Holmberg i Vik i Sogn er hyra inn for å kome med høvelege idéar i så måte.
Elles er det klart at Ekornes ASA går inn med 8000 kroner til vidareutvikling av Konradkonseptet. Som attyting skal VIL nytta deira reklamerte start/målsegl under alle større arrangement.
Så snart VIL-årsmøtet er over, og dei ulike gruppene konstituert, vil arbeidet med med jubileumsløpet skyte fart.