1993 grasrotkroner i desember.
Postet av Velledalen Idrettslag den 2. Jan 2011
Velledalen IL avslutta året 2010 med 1993 grasrotkroner i desember. Dermed har kasserar Asgeir Rausand ei utbetaling på 7784 kroner i vente for fire siste månadane.
Ordninga med grasrotmidlar har no eksistert i to år. I 2009 fekk VIL 15736 kroner gjennom denne ordninga. I 2010 var summen auka til 23759 kroner. Men det høyrer med til realitetane at talet på spelarar var vesentleg auka, som vi tidlegare har meldt.
Trenden var om lag den same for VRF. Fotballaget fekk 6661 kroner i 2009. I 2010 var summen nær dobla, med ei utbetaling på 12075 kroner. Også VRF hadde ei god utvikling på spelarsida i løpet av året.
For Velledalskoret og Velledalen skulekorps var tala meir stabile. Ein svak auke for Velledalskoret, ein svak nedgang for skulekorpset.