Nytt KM-gull til Hilde –og ny pers på 800 meter
Postet av Velledalen Idrettslag den 30. Mai 2010
Ei kanonhelg for Hilde Riksheim Tandstad i Molde. I går vann ho 400 meter, i dag tok ho gullet på den doble distansen.
I fjorårssesongen hadde Hilde 2.28.82 som bestetid på 800 meter. Den sjette beste tida mellom alle kvinner/jenter i Møre og Romsdal i 2009. I dag kom ho inn på 2.25.36. Nær 3,5 sekund under den personlege rekorden. Tidlegare i år har ho senka 1500 meter persen med seks sekund. Faktisk har ho så langt senka persen på samtlege øvingar ho har starta. Dette betyr at ho har klart kvalifiseringskravet for junior-NM på 1500 meter og manglar berre nokre små tidelar på 800 meter.
Neste helg er det kretscup i Ørsta som står på programmet. Der spring Hilde 3000 meter og 800 meter. Det skal bli spanande å sjå kor langt ned på 11-talet ho kan kome på 3000 meter. På den distansen står ho ikkje oppført med personleg bestenotering
i statistikken til friidrettskrinsen.