Velledalssuksess i Vestborgcup
Postet av Velledalen Idrettslag den 7. Feb 2010
Budeiene mottek vinnarprisen.
35 lag kjempa om heider og ære i fire klasser under Vestborgcup på Stranda i helga.
For tre velledalsjenter gjekk det svært så bra.
I yngste jenteklasse vann sykkylvslaget Budeiene finalen over Strømpebukse FK med 4-1. Hanna Bakken spele på dette laget.
I eldste jenteklasse vann strandalaget Podemos finalen mot sykkylvslaget ”Utan mål og meining”. Sykkylvslaget levde opp til namnet sitt og tapte 6-0 mot strandarane med Christina Holmberg og Ellen Marie Hole på laget. Podemos hadde ei imponerande kamprekkje med resultata: 2-0, 5-0, 2-0, 1-0, 0-0 og 6-0.
Christina heldt altså reint mål gjennom heile turneringa, og det gjorde ho på sjølvaste 17- års dagen sin. Gratulerer med innsatsen jenter!
Fleire andre velledalingar – både gutar og jenter – deltok i turneringa som samla kring 350 spelarar.