Kanonframgang for Kenneth
Postet av Velledalen Idrettslag den 3. Jan 2010
Kenneth Fet opna med ein forsiktig sjuandeplass under Romjulsrennet i Molde. I dag viste han seg frå ei heilt anna side under det andre kretscuprennet i Valldal.
I dag var det dobbel jaktstart som stod på programmet. Det vil seie klassevis fellesstart. Og for klassa til Kenneth fem kilometer i klassisk stil, så skibyte, og deretter fem kilometer i
fristil.
Kenneth opna litt forsiktig og låg på sjetteplass mot slutten av fyrste runde. I den andre klassiskrunden gjekk han seg opp til fjerdeplass, ein plass han heldt heilt til mål. Men det mest gledelege var at avstanden til vinnaren var kutta ned frå godt over to minutt i Molde til 57 sekund i dag. Dette trass i at dagens løype var ti minutt lenger enn i Molde. Og vinnaren var den same, så dette var flott framgang. Bravo Kenneth!
Resultat:
Olav Erling Aaland, Sunnylven IL
31.43
Geir Marius Øie, Stordal IL,
31.55
Lars Lyche, Molde og Omegn
31. 55,1
Kenneth Fet, Velledalen IL
32.40
Håkon Støen Gussisås, MOI,
33.12
Morten Nerem, Emblem IL,
35.36
Stian Torsetnes, MOI,
35.41