Hilde prøver 7-kamp
Postet av Velledalen Idrettslag den 2. Sep 2009
Siste helga i september vert utan tvil minnerik for Hilde Riksheim Tandstad. Då har ho nemleg planar om å debutere i sjukamp i Molde.
Øvingane i sjukamp er som fylgjer: 100 meter hekk, 200 meter, lengdesprang, høgdehopp, kulestøt, spydkast og 800 meter som siste øving. Nettsida skal fylgje opp denne hendinga.
Eigentleg er det modig gjort berre å prøve.
For at Hilde skal stå godt rusta har VIL kjøpt inn to spyd, eitt på 400 gram for yngre kastarar og eitt på 600 gram (som er vekta på det Hilde skal bruke).
Ettersom dette skjer same helga som prøveløpet i Tour de Sykkylven (stafett på 57 kilometer med Sykkylven Sykkelklubb og VIL som arr.), er det klart vi ikkje får med Hilde på VIL-laget her.
Fotoet er henta frå Ørstaleikane, der Hilde nyleg gjorde ei særs god tid i debutløpet på 400 meter (63.97). Kanskje er det nettopp denne distansen den allsidige idrettsjenta meistrar aller best.