Fetvatnet Rundt
Postet av Velledalen Idrettslag den 18. Mar 2008
Som alle veit er Fetvatnet Rundt ei mosjonsmønstring for syklande, gåande og springande. I 2007 samla arrangementet 195 deltakarar. Årets tilskiping vert den tredje i rekkja, og var bestemt til 24. august på VIL si eiga terminliste. Men same helg hadde trimgruppa planlagt tur til Besseggen. For å sleppe kollisjon, er det bestemt at Fetvatnet Rundt vert flytta fram til sundag 29.juni. Dette er klarert med Odd Kåre Fet med omsyn til slåtten, og eventuelt lett bruk av markane i start/målområdet.