Bravo Stian
Postet av Velledalen Idrettslag den 31. Jan 2008
Stian Mork, to gonger KM-vinnar for VIL på 1990-talet, har vore på skitur i Italia. Og det var ingen kort tur han gav seg i kast med, då han starta i det vel 70 km lange turlangrennet Marcialonga. Utan seeding og med startnummer 3925 nådde han mål i Cavalese på fine 4.50.41. Varme og sterk fønvind gjorde forholda vanskelege. Han sleit lenge med glatte ski, men fekk på ”litt velsigna raudt klister” i Molina ( sju kilometer før mål), som gav nye krefter mot slutten.
-Etter målgang må eg innrømme at eg neppe har teke meg slik ut nokon gong tidlegare. Men det gjekk ikkje lenge før kroppen tok seg att og eg drøymde om nye flotte skiopplevingar. Marcialonga var ei flott oppleving som eg på det varmaste kan anbefale til andre, seier Stian til VIL si heimeside.