Førjulsmessa (9. og 10.nov) så godt som fullteikna

Berre to små bord ledige sundag 10.november, melder Myriam

Messesjef Myriam Van Wunsel melde like før helga om så godt som fullteikna Førjulsemesse i november 2024. Førjulsmessa er viktigaste inntektskjelda til Velledalen IL. Fyrste år messa vart arrangert var 1993, då på våren. Men frå 1994 som Førjulsmesse. Tidlegare var messa eit samarbeid mellom fleire lag, men siste åra har Velledalen IL vore åleine om arrangementet.

• Responsen har vore svært god denne hausten. Faktisk har eg berre to små bord ledige på sundag 10.november, fortel messe-sjef Myriam.

Men vi veit av erfaring at det kan kome forfall heilt inn til messestart, så det kan vere lurt å stille seg på venteliste sjølv om det ikkje finst ledige plassar. Brått kan nokon trekkje seg, og det vert ei opning.

Vil nokon ha borda som er ledige sundag 10.nov, eller stille seg på venteliste, tek ein kontakt med:

E-post: forjulsmesse@gmail.com

Eller Myriam Van Wunsel

Vi opererer med moderate prisar på standleige – gratis inngang – gratis parkering – og stort nedslagsfelt av besøkande både frå Stranda og Sykkylven i tillegg til hyttefolk frå ulike stadar.

Opningstidene vert slik i 2024:

Laurdag 9.november: klokka 11.00-17.00

Sundag 10.november: klokka 11.00-16.00