73 med i trekninga av kvalitetssko

Velledalen IL har fått sponsa eit par kvalitets-sko av Løplabbet i Bergen. Trekning like før jul.

Like før jul vil Velledalen IL, friidrettsgruppa, køyre ei «live-trekning» av eit par kvalitetssko frå Løplabbet i Bergen. Trekninga vil finne stad ganske så nær jul, eller i alle fall etter at Løplabbet Bergen sin representant i Velledalen IL, Espen Utgård Sæther, har kome heim på juleferie. Per 17.november er 73 utøvarar kvalifiserte til å vere med på trekninga. Nemleg ALLE som har represenetert Velledalen IL utanfor eigen kommune. Talet kan auke. Men då må nokon som hittil i 2024 ikkje har delteke, stille på minst eitt av dei attståande løpa i kalenderåret 2024. Desse er ikkje mange, men vi nemner vinterkarusell på Hareid fyrste laurdag i desember, vinterkarusell i Ålesund andre helg i desember, eller påmelding til Nyttårsmaraton 29.desember, der distansane er 5 km, 10 km, halvmaraton og heilmaraton.

Uansett; sjansane til å vinne eit godt par løpssko frå Løplabbet Bergen er laaangt større enn å få sju rette i Lotto!