TRIMPOSTAR: TOPP-10 SAMANLAGT

Sjå kven som kom på 8.plass. Ei kvinne som har vore på 14 av 15 postar.

På 8.plass finn vi den yngste utøvaren som er inne på topp-10 lista. Inger Anne Brunstad er ein trufast gjengangar på desse listene, og merk dykk; ho er den einaste inne på topp-10 som er «i arbeid». Men så har også ein kjend velledaling sagt: - Dette er veteranidrett av beste merke.

Og la det vere sagt fyrst som sist; nivået er såpass høgt, at om ein prioriterer å bruke 2000 timar i året på å «trykkje», kan ein ikkje vente å hevde seg her. Det ville bli å få både i pose og sekk.

Inger Anne Brunstad vann siste året trimposten på Brunstadsætra med 229 turar. Vidare skal det nemnast at ho var nær å vinne begge postane på Fet (Høgsætra og skogsvegen Fet). Nest høgast poengsum scora ho på Vellesætra. Einaste posten ho ikkje var på siste året, er Holetindane trimpost, posten som vert betalt med 30 poeng per tur. Alle andre er vitja. 313 turar og 1428 poeng gav ein gild 8.plass på samanlagt-lista. Og altså; BEST AV ALLE i fullt arbeid!

GRATULERER, Inger Anne!

Då ser nedre del av lista slik ut:

8. Inger Anne Brunstad 1428 poeng – 313 turar

9. Einar Magne Fet 1381 poeng – 376 turar

10. Bård Per Erstad 1295 poeng – 185 turar

Like ved: Ruth Kalvatn 1288 poeng