TRIMPOSTAR: TOPP-10 SAMANLAGT

I dag får du namnet på mannen som vart nummer sju – ein mann med god klang i Velledalen IL.

Nils Terje Skylstad har vore ein god mann for Velledalen IL heilt sidan han var tenåring. I dag er han 67. Æresmedlem i Velledalen IL, og personen som er ansvarleg for trimpostane sine ve og vel. Han er nærast fast vinnar av trimposten «Holetindane», dit var han 15 turar siste året. Det gav 450 poeng. Nest best scora han i Holemarka med 177 turar og 354 poeng. Altså i nærmiljøet. Dei to andre turmål med over 100 poeng i 2024 var Myrdalsfjellet (240 poeng) og Brunstadkølen (180) poeng. Nils har gjennom sesongen vore på 14 av 15 postar. Einaste post han er fråverande er Riksheimdalen. Perioden oktober 2023 til oktober 2024 enda opp med 265 turar og 1505 trimpoeng.

Nedre del av topp-10 samanlagt ser slik ut:

7.Nils Terje Skylstad 1505 poeng – 265 turar

8.Inger Anne Brunstad 1428 poeng – 313 turar

9.Einar Magne Fet 1381 poeng – 376 turar

10. Bård Per Erstad 1295 poeng – 185 turar

Like ved: Ruth Kalvatn 1288 poeng