Store pokalar utdelt på Idrettsgalla

Espen Utgård Sæther og Anette Heimli Jokstad stakk av med dei gjevaste prisane under Velledalen IL sin galla.

60 personar møtte til Idrettsgalla for Velledalen IL i selskapslokala til Odd Fellow i Straumgjerde 29.desember. Prisjuryen, Alf Petter Bøe (Bøfjorden/Velledalen), Frode Mauren (Ålesund) og Bjørn Arve Brune (Stranda), hadde kome til at dei fem gjevaste prisane skulle ha desse vinnarane:

Årets Utøvar kvinne: Anette Heimli Jokstad – OCR hinderløp (Oslo)

Årets Utøvar herre: Espen Utgård Sæther – lange løp (Bergen)

Årets Veteran-utøvar: Njål Torillson Tyssing – lange løp (Oslo)

Årets Fjelløpar: Constantin Rust – lange løp/fjelløp (Oslo)

Lengst sprunge 2024: Hilmar Kråkenes – lange løp (Deknepollen)

Hilmar har sprunge 350 km i konkurransar for Velledalen IL i 2024 (mellom anna fem heilmaraton). Totalt i trening/konkurranse ca 7500 km i 2024.

Vi kjem tilbake med meir frå Idrettsgallaen. Vi tek i denne omgang med at trimpostvinnarane fekk sine premiar:

Desse møtte: Ingrid Brudevoll, Annlaug Lervåg, Elling Hole, Inger Anne Brunstad, Reidar Fure, Ingrid Peeters, Ingunn Hole Hunnes, Nils Terje Skylstad og Atle Hole

Vidare fekk Ingrid Brudevoll ei klubbjakke, type vinter, for samanlagt-sigeren.

Ingunn Hole Hunnes fekk premie for 2.plassen samanlagt.

Inger og Einar Fet fekk premien for beste trimpost-par (begge inne på topp-10 samanlagt).

Samla hadde postane kring 2000 noteringar meir enn i 2023.

Mange av dei faste vandrarane legg ned mykje tid til og frå trimpostane. Her er kvantitenten langt viktigare enn kvaliteten. I eit folkehelse-perspektiv er det ganske logisk at det er betre å gå 150 turar i Holemarka i løpet av eitt år, enn to turar på Råna og ein på Straumshornet.