37 sprang Vinterkarusell i Fremmerholen

Debut-løp for Eldar Sindre og ny personleg bestetid til Frank Andersen.

Forholda var vinterlege, om lag slik dei skal vere i ein vinterkarusell i jaunar månad. Stort sett snødekte vegar, utan vind og berre nokre lette snøfnugg for nokre av løparane. 37 løparar kom til mål denne laurdagen i Fremmerholen, 23 fullførande på 5 km, 14 på den doble distansen. 11 av løparane som kom til mål representerte Velledalen IL. Vi skal nemne nokre av dei spesielt:

Eldar Sindre Valkvæ: Hans debutløp for Velledalen IL. Namnet røper opphav frå Godøya, bur i Ålesund kommune. Var i fjor 6.best i heile kongeriket i klasse M 65-69 år på 10 km landeveg med ei bestetid under 42 minutt. Vann i går eiga klasse med tida 22.24. Har delteke i Konradløpet.

Sivert Nakken: Vart fyrste VIL-løpar som kryssa ei målline i konkurranse i 2025 (med eit ørlite atterhald)!

Frank Andersen: Imponerte med ny personleg bestetid på 10 km. Kom inn på 48.48. Hadde noko større på gang, men vart innhenta på slutten av VIL sin veterantrio Bjørn Arve, Fridtjof og Alf Petter, som hjelpte Frank i siste del av løpet. Mot slutten viste trioen storheit, og sleppte Frank fram til «kvartettsiger». Ein smålåten Frank Andersen meinte persen på distansen uansett måtte kome sidan han hadde få løp på 10 km. Men vi vil heller seie at Frank fekk betalt for god trening siste året – og straks forholda vert betre vil det kome nye personlege rekordar frå mannen som komande haust spring storløpet Hytteplanmila.

Per Inge: Utruleg stabil løpar som ALDRI leverer svakt. Totalsiger på 10 km med 38.46 fortel både om kvalitet under dei rådande forholda, og at han ikkje har lagt sjela si att under fjorårets julefeiring.

Frode og Jone: I løp er det alltid viktig å ha lagra ein god spurt. Frå tilskodarplass var det kjekt å registrere at Frode Mauren og Jone Schmidt Breivik hadde dei to beste avslutningane av dei 37 som kryssa mållina. Vi merkar elles at dette var Jone sitt fyrste løp i klasse M 16-17. Fin debut og klassesiger på 5 km med tida 20.40 for fjorårskonfirmanten.

Ei kjekk helsing: Før vi går på resultata, tek vi med ei kjekk helsing frå ein mann som skal springe Konradløpet for fyrste gong 1.mai 2025, nemleg Per Jan Helset, syskjeborn av ikkje ukjende Einar Fet. Slik helsa 80-åringen meg i Fremmerholen laurdag:

Hei, velkomen, kjekt å sjå deg - No har eg 25 år att av livet, bestefar min på Hellesylt vart nemleg 105 år!

Så til resultata, 5 km (23 fullførande):

1. 1.Janne Elin Vatnaland, Ålesund, 19.31
2. 2.Arve Romslo Schistad, Ålesund FIK, 19.39
3. 3.Sivert Nakken, Velledalen IL, 19.58 – nr 1 M 20-22
4. 4.Jone Schmidt Breivik, VIL, Jaktevika Tinderangling, 20.40 – nr1 M 16-17

8. Eldar Sindre Valkvæ, Velledalen IL, 22.24 – nr 1 M 65-69

11. Svein Arne Nakken, Velledalen IL 23.31 – nr 1 M 55-59

Resultat 10 km (14 fullførande):

1. 1.Per Inge Bjørnestad, Velledalen IL, 38.46 – nr 1 M 50-54
2. 2.Gunnar Karl Emblem, Ålesund, 39.01
3. 3.Andreas Nakken, Velledalen IL, 41.28 – nr 1 M 20-22
4. 4.Frode Mauren, Velledalen IL, 43.19 – nr 3 M 50-54

8. Frank Andersen, Velledalen IL, 48.48 – nr 2 M 35-39

9. Bjørn Arve Brune, Velledalen IL, 48.51 – nr 1 M 60-64

9. Fridtjof Fredriksen, Velledalen IL, 48.51 – nr 1 M 55-59

11. Alf Petter Bøe, Velledalen IL, 48.52 – nr 2 M 55-59

Oppsummert for heile troppen: Åtte 1.plassar, to 2.plassar og ein 3.plass – diverre ingen kvinner til start for Velledalen IL. Ei sak vi må jobbe med.