Velkomen tilbake, Frode!

Minst fem skarpskodde frå Velledalen IL stiller til start komande laurdag

Drammen halvmaraton er rekna som ei av dei raskaste løypene i landet. Deltakinga er alltid stor. Her er Velledalen IL sine påmelde løparar laurdag 6.september:

K 60-64: Elisabeth Hetlevik

M60-64: Bjørn Arve Brune

M 55-59: Frode Hoprekstad

M 35-39: Frank Andersen

M 23-39: Constantin Rust

Elisabeth og Bjørn Arve:

Kjekt at vi har med to løparar over 60. Begge to var høgt oppe på lista over dei beste lands- tidene i sine aldersklasser i fjor. Målet er truleg det same i år. Vi trur begge – på ein god dag - er kapable til ei topp-10 plassering i 60-64 i Drammen. Bjørn Arve veit vi har trena svært godt, Elisabeth sin trenings-kvardag (i Kongsberg) veit vi mindre om. Men to sterke veterankort for Velledalen IL, det er sikkert.

Frode:

Stor glede i Velledalen IL då vi såg påmeldingane til halvmaraton i Drammen. Tenk Frode – godguten Frode – er tilbake! Etter eit langt avbrot og vanskeleg periode i livet. Frode er særs rutinert som løpar, og vi vil tru han er særdeles realistisk i comebaket. Truleg vil det for han vere stort berre å ta seg til mål på ein kontrollert og grei måte. Denne gongen bør tida ikkje vere det viktigaste for Frode.

Frank:

Frank har bygt seg opp som løpar – sakte men sikkert. Heldt seg først til 5 km, før han dobla til 10. Då han meistra begge desse distansane godt, debuterte han på halvmaraton i 2025. To løp er vel alt han har gjort etter landevegen. Sjølv om Frank er fersk på distansen set han seg heilt sikkert nye mål. I Drammen vil han sjå 1.30-talet (persen er like over 1.40). Helst så langt ned som mogleg!

Constantin:

Yngstemann i troppen er særdeles allsidig. Constantin har hatt ein krutsterk sesong så langt – god i alt han stiller i. Man akkurat eit halvmaraton etter flat veg; der er han faktisk ganske uerfaren. Men han er råsterk. Og det kan bli spennande å sjå om han kan snuse på Espen (Utgård Sæther) sin klubbrekord på distansen (1.09.16) frå Malaga 23.mars 2025. Constantin veit at slike tider kjem ikkje lett!

Resultata kjem på nettsida i løpet av helg