Hipp hurra for Frode – fyller 54 år i dag!

Nyleg markerte nettsida at
Per Inge Bjørnestad er i sitt fyrste år i klasse M 50-54. I dag er turen komen
til Frode Hoprekstad, som i 2021 er inne i sitt siste år i same klasse.

Friidrettsleiar i
Velledalen IL, Alf Petter Bøe,
   har
gledeleg mange spreke veteranar i stallen sin. Ein av desse ber namnet Frode
Hoprekstad, og kom til verda 10.april 1967. Ein kar som vert ivrigare di eldre
han vert – og betre. Noko vi kan dokumentere.

Av EQ-timing sine
statistikkar ser vi at han sprang 5 km under karusell-løpa i Ålesund som
50-åring på tida 22.49. Han hadde også nokre milløp bak seg før han debuterte i
Ålesund halvmaraton som 51-åring på tida 1.44.48. Denne tida pressa han ned til
1.38.51 under Ålesund Nyttårsmaraton same år. Som 52-åring gjorde han 1.35.37
under Trondheim halvmaraton. Og som 53-åring debuterte han på heilmaraton i
Ålesund med sterke 3.30.40 dagen før nyårsaftan i 2020.

Siste løpet til Frode på
EQ-timing lista skriv seg frå 12.mars 2021. Vinterkarusell i Ålesund. I same
løype som han som 50-åring gjorde 22.49 i 2017, sprang han som 54-åring på 21.25.
Framgang på 84 sekund på fire år i godt moden alder. Noko ekspertar på feltet
ville omtala som ei rivande utvikling.

Trenden er litt den same i
Konradløpet, der Frode Hoprekstad står med tre deltakingar. Debuten gjorde han
som 44-åring på tida 19.56. I siste løp som vart arrangert
   - i 2019 – gjorde Frode18.53 som 52-åring.
Med andre ord: Betre med stigande alder!

Vi ynskjer alt godt for
Frode på dagen, og måtte han snart få fleire løp å bryne seg på!

Velledalen IL gratulerer!!