Ny, sterk løpar innmeld i Velledalen IL

I går melde vi at Alf
Petter Bøe skal springe for Velledalen IL i 2021. I dag har vi gleda av å melde
at sterke Bjørn Arve Brune frå Stranda gjer det same. Eigentleg har vi i fleire
år rekna Bjørn Arve inn under det utvida omgrepet av eit VIL-medlem. 56-åringen
har eit utal turar saman med Kjell Magnar, og han var også Kjell Magnar sin
næraste støttespelar sist han deltok i Hornindal Rundt. Han var med på heile «stuntet»
på 105 kilometer til Frode Hoprekstad i Andestad-stranda, og han har mellom
andre backa opp Nakken-tvillingane.

Langt rulleblad

Bjørn Arve spring det
meste. Langt eller kort ser ut til i spele lita rolle, og i ei stund som dette
finn vi det rett å sitere friidrettsleiar Bøe:

 -
   
 
 Ei særs god «signering».
Bjørn Arve er god på alt, og målt etter alder har han aldri vore betre enn
akkurat no.

Det kan herr Bøe ha rett
i. For nykomaren vår leverte sterke 1.29.26 på halvmaraton i Ålesund
30.desember.12.desember sprang han 5 kilometer under Ålesund Vinterkarusell på
19.19, medan han leverte 40.05 på 10 kilometer 14.november. Elles spring han
heilmaraton, han har sprunge lengste løypa i Hornindal Rundt (75 km), og han
hadde sprunge 100 kilometer løypa under Stranda Fjord Trail Race i august 2019
om ikkje løpet vart avlyst grunna covid-19.

16.34 som 50-åring i
Konradløpet

Konradløp-historikken til Bjørn Arve viser at han er skarp også på
korte distansar. I alt sju Konradløp viser det. I fylgje statistikk-føraren
vår, Lars Inge Sæther, er bestetida hans 16.34, sett som 50-åring! Det er
kvasst, om nokon måtte vere i tvil. Gjennom Konradløpet sine 18 år er det berre
registrert 74 betre tider. Brune har seks løp under 17.29 i moden alder.

Ein ivrig løpar

For å illustrere at Bjørn Arve
er noko utanom det vanlege, tek vi med at han som ein av truleg svært få, har
delteke som gjest i bryllaup og sprunge Hornindal Rundt same dag. Det hadde
ikkje mange orka. Elles har han tileigna seg stor kunnskap om
trening, og vil vere ein fin «sparringspartnar» for andre i VIL-miljøet på
dette feltet.

Velkomen Bjørn Arve.
Velledalen IL er både glade og stolte over å ha deg med på laget!!