«Skogsvegen Fet» best i straffespark på Dalemyra

Lagkonkurransen i straffespark under Camp Velledalen sin siste dag vart
ein suksess.
 At seks lag møtte – og fullførte
– i verste regnvêret for heile sommaren, var ein flott prestasjon. Laga måtte
ha spelarar av begge kjønn, skulle skyte fem straffespark i kvar match og ha
eigen målmann. Fleire born tok del i opplegget. Yngste deltakar var under 10
år, eldste 69. Her trong ein slett ikkje vere ekspert eller ha siste mote i fotballsko
for deltaking. Med finevêr ved neste korsveg trur VIL-Nett dette vil bli ei
massemønstring.

Laga viste seg å vere
ganske så jambyrdige. Marginane var små etter fem skot. Lite skilde også i
finalen der «Skogsvegen Fet» fekk æra av å senke sjølvaste «Liverpool». Team
Skylstad var nær 3.plassen, men eit lag med sympatisørar av Svartevatnet vart
ørlite for sterke.

Mellom slaga kunne ein
varme seg på godbitar frå stadionkiosken