To skarpe VIL-familiar spring «Oppdal 2-dagers»

Stormønstringa starta
laurdag med Fredig som arrangør. Over 400 deltakarar med smått og stort, ungt
og eldre.

Våre løparar gjorde ein
flott figur fyrste dag – i desse klassene:

D 9-10 år: Sofie Fløttum
Fauske

H 9-10 år: Mikkel Ibsen
Lervåg og Tobias Ibsen Lervåg

N-open: Sigurd Fløttum
Fauske

N2-open: Johan Fløttum
Fauske

B-open 17-: Marianne Fløttum
7.plass

AK-open: Pernille Ibsen Lervåg
2.plass

Skygge: Øystein Fauske

Sterk 2.plass til Pernille
i AK-open. 24 startande i klassa med løypelengde på 3010 meter. Både menn og
kvinner i same klasse. Pernille kom inn på 27.17, som beste kvinne. Nest beste
kvinne vart Kristin Lundanes frå Emblem IL på 6.plass.

Og det var gildt å sjå
namnet til Marianne Fløttum (sjå foto) tilbake på ei resultatliste same morgon
som Tomasløpet vert arrangert. Marianne har nemleg vunne kvinneklassa i
motbakkeløpet i Straumgjerde. Og la vi også ta med at det var under eit Tomasløp
Pernille vart «oppdaga»!

Øystein Fauske sprang i
noko som heiter «Skygge», noko Atle Jomar Hole ikkje veit kva er, men han lovar
lære seg dette.

Dei to familiane som var i
aksjon har samla seks flotte born. Fem av desse var i aksjon og gjorde det
storfint. Johan hadde til og med best tid i klasse N2-open,
   Tobias det same i klasse H 9-10. Her vert
ikkje løparane rangerte, men vi nemner det likevel.