To luringar på Idrettsgalla

Vi trur korkje Jan
Rakottyai eller Ivar Flo hadde nokon pris i tankane då dei melde seg på
Velledalen IL sin Idrettsgalla. Men to av dei fyrste som måtte fram på podiet
var nettopp dei.

Og der røpa prisutdeler Henning
Tandstad at Jan Rakottyai og Ivar Flo i fleire år hadde betalt kraftig overpris
for medlemskapet sitt i Velledalen IL. Ein friviljug overpris, vel å merke.
Slike karar kan alle lag og organisasjonar like. Jan tok ordet og sa han betalte ekstra
fordi det var så rimeleg i Velledalen IL. Han kom til VIL frå bilrally-miljøet
og var van med heilt andre summar der.