Bilskiltet «ARNE 371» sine band til Velledalen IL

Vi snakkar om Arne
Tvervaag. Som mange såg på TV-skjermen for ei dryg veke sidan. Mannen som budde
i Velledalen i unge år. Fyrste gongen vi ser namnet hans i møteboka for Velledalen
IL er i 1958, i medlemsregisteret for 1958/1959.

I mars 1960 deltok han i
KM i hopp utan tilløp på Vigra saman med Roar Skoglund. Her vann han klasse 16
år med eit lengste-hopp på 2,77 meter. Seinare same året deltok han i KM
utandørs med slike resultat:

Høgde med tilløp: nr 3 med
1,65 meter

Kule: nr 3 med 10.29

Lengde med tilløp: nr.4
med 5,12 meter.

Seinare same året vart han
nummer fire i junior-KM i tresteg med 12,44 meter.

Den 25.november i 1960,
valde årsmøtet i Velledalen IL Jon C. Brunstad som leiar og Arne Jan Tvervaag
(17 år gamal) som nestleiar. Han fekk også plass i friidrettsstyret for 1961.

Vidare sat han i
langrennskomiteen som skulle arrangere kretsrenn i hopp og langrenn i mars 1961.
Og han er registrert som medlem i Velledalen IL i 1962. Pålitelege kjelder
seier ar han også var målmann for VRF.

Så var han tapt for
Velledalen IL. Men i mars er det 60 år sidan han vann KM-gull for Velledalen IL
på Vigra. Då spørst det om vi ikkje skal ete kake av beste slag på Nærbutikken - for Arne Tvervaag. Mannen som 11.november 1968 hoppa 3,71 meter i stille lengde
– best i verda.