Stor deltaking i Rosa sløyfe-løpet i Ålesund

Sundag 13.oktober vert det arrangert Rosa sløyfe-løp i Ålesund. Ein kan anten springe kort løype utan tidtaking, eller lang løype med tidtaking. Begge har start 12.00. Fredag kveld hadde 450 meldt seg på, og det vert heilt sikkert fleire.
Målet med løpet er å auke merksemda kring brystkreft-saka, og inntektene går til Rosa sløyfe-aksjonen.

Deltakinga av lokale utøvarar er gledeleg stor. Team Velledalen Naturbarnehage stiller «kvinne-sterke» med styraren i spissen. Flott gjort! Løpet har solid kvinnefleirtal, men vi fann VIL-gutane Sivert og Andreas Mosby Nakken på lista, saman med kjende løparnamn som Martin Hauge-Nilsen og Kristian Nedregård. Elles nemner vi kjende namn som Anita Holmberg, Anne Barbro Nygård, Eldrid Myhre, May Evy Nesheim, Jorunn Kvalsund Jarnes og mange, mange fleire.

Her blir det liv!!