Geiranger World Heritage Ultra: Radka påmeld

Geiranger og Eidsdal IL
har sjalta ut Nibbedobbelen (fyrst sykle, så springe til toppen av Dalsnibba).
I staden har dei teke Norddal IL inn i varmen og arrangerer eit ultraløp med
namnet: Geiranger World Hertitage Ultra, med start i Norddal. For
ikkje-språkunnige kan namnet lyde som ein dødeleg sjukdom, men er altså ikkje
det. «Beinhard sjølv-pining», er ei rettare nemning på det dei som stiller i
løpet skal ha føre seg.

Dette er ei kraftprøve,
med start i Norddal og mål på toppen av Dalsnibba. 57 000 meter langt,
3000 høgdemeter stigning og 1500 høgdemeter i unnabakke. Per 22.mars hadde 18
deltakarar meldt seg. Mellom desse Radka Vosicka, jernkvinna i Velledalen IL.
Beste kvinne i Nibbedobbelen i 2018 og kvinna som same år drog til Sverige og «bles»
gjennom ein «Ironman» - 4000 meter symjing, 180 000 meter sykling og 42 000
meter springing. Du lurer kanskje på kor mange overnattingar ho hadde….? Nei,
her held ein på kontinuerleg frå fyrste symjetak til siste løpsmeter.

Samanlikna med ein «ironman»
er nyvinninga i indre fjordstrok overkomeleg. Det vil truleg Radka også meine.
Her kjem lista over andre sykkylvingar – pluss nokre slengjarar frå Stranda - som vil sveitte saman med Radka denne dagen, laurdag 8.juni 2019:

Fridtjof Fredriksen, Sykkylven IL, Nibbeløpet

Knut Anders Hatlen, Stranda IL, Nibbeløpet

Radka Vosicka, Velledalen IL, Geiranger World Heritage Ultra

Odd Lennart Lien, Straumgjerde, Nibbemarsjen

Jan Egil Løseth, Stranda IL, Nibbeløpet

Ole Martin Korsnes, FK Sykkylven, Nibbeløpet

Cecilie Overøye Schmidt, eks Sykkylven, Nibberittet

Per Inge Bjørnestad, Velledalen IL, Nibberittet

Bjørg Iren Strøm, Velledalen IL, Nibberittet

Kjetil Fallingen, Sykkylven Sykkelklubb, Nibberittet

Jan Erik Bårdsgjære, Sykkylven Sykkelklubb, Nibberittet

Geir Verpeide, Stranda, Nibberittet

Espen Strøm Grebstad, Sykkylven SK/Velledalen IL, Nibberittet

VIL-Nett ynskjer alle lukke til med treninga fram mot den store dagen!