Hauern 2019

arkivfoto
Skirennet har blitt gjennomført sidan 1966
og går i klassisk stil gjennom Drammensmarka. Rennet er også minneløp for
Thorleif Haug som herja med konkurrentane under OL i Chamonix 1924 og har blant
anna vunne 5-mila i kollen seks gongar, før han brått døde av lungebetennelse i
1934.

Hauern er seedingrenn til Vasaloppet,
Birken og Holmenkollen skimaraton.

Løypa var om lag 38km lang. Føret bar preg
av det store snøfallet som har kome på austlandet siste par dagane, så løypene
var ganske lause. Naturen var flott og vêret upåklageleg denne vinterdagen.

Ellen Marie hadde plan om å gå halvt løp
(25km) utan tidtaking, men opna med friskt mot og fullførte likevel heile
løpet. Angra litt på dette mot slutten, då det kjendes ut som om målstreken
aldri kom nærmare og det var noken saftige oppkøyrde utforkøyringer på slutten
(!!). Ho klokka seg sjølv i mål på 3.24.02. Dette kunne gitt ein fin 3.plass i
si klasse.

Minneløpet Kvinner
21-25

Plass
   Navn
   Klubb
  Tid
   Etter

1
  Inger Bonden
   Sande Sportsklubb
   2:30:44

2
  Maren Transet
   Skanska Aktiv
  
   3:06:27
   +35:43

3
  
   Marie
Larsen
   Ringkollen Skiklubb
   3:42:30
   +
 1:11:46
 

Anders var, i kjend stil, litt seint ute
til start, og hamna difor bakerst i puljestarten. Dette førte til ein del mas
første 2-3km der han måtte gå utanfor sporet for å kome seg fram i feltet. Sidan
Anders har fått instruksar frå trenar om å disponere renn betre klarte han å
roe seg ned og avanserte meir gradvis.

Anders fekk nokre misnøgde tilsrop slengd
etter seg etterden strabasiøse starten, men klarte beherske temperamentet så
det resulterte i null slag eller stavbrot. Var vel ingen der som gikk for
VM-plass.

Frå 5-15 km låg han i ei fin gruppe som
heldt jamn fart i kupert terreng. Gruppa sprakk opp når det starta
samanhengande stigning frå 15-20km, og Anders vart liggande heilt åleine. Etter
stigninga kom 5km med stake-terreng, der Anders tok att ein del løparar frå pulja
framføre seg. Dette tende ein gnist om god sluttid, men håpet forsvann raskt då
siste del av løypa var prega av mange lange og harde fiskebeinsbakkar i
pudderføre (hadde nok vore eit paradis i motsett retning på andre ski!). Det
skapte også litt trøbbel at løypetraseen var smal og fleire marsj-deltakarar i
løypa, blant anna ein med pulk som stod fast. Det samla seg difor ein baktropp
med frustrerte blodseriøse mosjonistar som måtte labbe oppver i eit tempo som
sjølv dei mest livsnytande appelsin og anorakkledde turgåarane hadde flira godt
av.

Anders kom i mål som nr. 18 i si klasse,
noko som må vere rekord for han i eit så stort redd. Han har også trua på at
det kunne vore mogleg å kutta 5-10 min på sluttida om ein hadde gått i gruppe
heile vegen og sløyfa fiskebeinsgåing.

Rennet vart vunne av Sondre Turvoll Fossli
(sprinter på norske landslaget) som gjekk med festesmurning. På 2.plass kom ein
lagkamerat frå Team Milslukern – Driv Trening som gjekk på blanke ski. Jonas
Gahr Støre deltok også i rennet.

Etter målgang vart det servert
   varm lapskaus, vørterøl og varm saft.