Idrettsgalla: Tunge prisar til Radka, Pernille og Kjell M

Postet av Velledalen Idrettslag den 14. Jan 2019

Kjel Magnar Berli 2018:
Hadde ein sterk comeback-sesong i konkurranseidretten.
Han vann lokale løp som Koldabakken Grand Prix (1.26), Konradløpet i Velledalen
(15.26) og Tomasløpet i Straumgjerde (17.47 – ny rekord). Han vart «over all
winner» - som arrangøren kalla det – i Romsdalseggen Fjord to Summit (3.29.29). Vidare vart han nest best av samtlege deltakarar
i «Molde 7 topper» (1.48.48), Nibbeløpet i Geiranger (1.42.52) og Eikenosa Opp
(20.00). I tillegg hadde han fine plasseringar og personlege rekordar i ei
rekkje motbakkeløp.

Kvinneprisen som «Årets
Utøvar 2018», vart delt mellom Radka Vosicka og Pernille Ibsen Lervåg. Begge særdeles
verdige vinnarar.

Pernille 2018:

Beste kvinne i Konradløpet (17.34). Beste kvinne i motbakkeløpet Eikenosa Opp
(24.27). KM-vinnar i orientering mellomdistanse. Nummer to i Midt Norsk
meisterskap i orientering i klasse D 35. Same plassering i «Fjellgeita». Deltok
i veteran-VM i orientering i Danmark med 8.plass på langdistanse som beste
plassering. Sprang halvmaraton på 1.39.52 i København. Leiar og primus motor i
VIL si O-gruppe, og har såleis stått i brodden for Sentrums-Cupen, o-løp i
Velledalen og på Fjellsætra, treningar, samlingar og kartarbeid over heile
bygda. I tillegg har ho representert VIL i Møre og Romsdal O-krins sitt styre.

Radka 2018:

Beste kvinne i dei lokale løpa «Koldabakken Grand Prix» (ny kvinnerekord) og Tomasløpet
i Straumgjerde. Beste kvinne i Nibbedobbelen i Geiranger, der ho også slo dei
fleste mannfolka. Nr. 2 i klasse 35-39 år i Hornindal Rundt, 75 km og 5600
høgdemeter, på like i overkant av 14 timar. Sprang halvmaraton på 1.40.06 i Ålesund,
og heilmaraton på 3.50.02 (VIL-rekord) på Sekken i ei hard løype. Krona
sesongen med å bli Ironman på Kalmar i august på tida 13 timar og 17 minutt
etter 3,8 km symjing, 180 km sykling og 42 195 meter springing. I tillegg
sprang ho ultradistansen i «Molde 7 topper» og har delteke i ei rad motbakkeløp
med flotte plasseringar.

Kvar av prisane var på
2000 kroner og diplom

PS. Verdt å legge merke til:

VIL sine tre fremste utøvarar 2018 har tre ulike opphavsland.

Kjell Magnar – norsk

Pernille Ibsen Lervåg – dansk

Radka Vosicka - tsjekkisk