VIL-juniorar av prima kvalitet for 70 år sidan

Somme veit det, andre har
ikkje peiling. Men faktum er at dei to karane på dette fotoet, Paul og Torleiv
Hole, var to av Velledalen IL sine desidert beste juniorar i etterkrigsåra.

Begge hadde styrken sin på mellomdistansar som 800 meter og 1500 meter.
Med tider godt under 2.10 på 800 meter, og stort sett mellom 4.20 – 4.30 på
1500 meter. Paul vart KM-vinnar på 1500 meter for junior i 1949.

Begge var også habile
skiløparar. I 1951 gjekk begge på Velledalen IL sitt lag som vart nummer to i
KM i skistafett (4X10 km), bak Stranda IL. Dei to andre på laget var Jon C.
Brunstad og Olav P. Hole.

Begge karane er mellom dei
faste under VIL sin romjulsmarsjar, og vi registrerte at den enno er lette på
foten – 70 år etter glanstida deira på løpebana.

Hurra for Paul og Torleiv!